Һыйыр йылына мәҙхиә

Һыйыр йылы килә,Һыйыр йылыНиҙәр алып килер еремә?Һөтө, наҙы, ҡото менән килһен,Тик китмәһен донъя кирегә. Һыйыр йылы...Һыйыр егеп алып,Әсәйҙәрҙең һабан һөргәне,Бураҙналай яра күңелемдеӘсәй менән һыйыр күргәне... Һыйыр йылы килә...Әй, ҡыҙҙарым!Әҙерләгеҙ ап-аҡ күнәктәр,Һыйыр һауыу кеүек изге эшкәТотоноғоҙ ихлас теләктән. Имсәктәрен йылы һыуҙар менәнЙыуып ҡына майлап алығыҙ,Быҙауҙарын ҡушып эйҙерегеҙ,Ағын күндәм бирер малығыҙ. Һыйырығыҙ эйә -Һый ҡороғоҙ,Ҡоромаһын берүк ҡотоғоҙ.Заман һөмһөҙ, һөтһөҙ булғанда лаБирешмәгеҙ, һап-һау тороғоҙ. Һыйырығыҙ бары һөт-ҡот бирһен,Егелмәһен ҡабат һабанға.Әсәйҙәр ҙә һабан һабы менәнЗар яҙмаһын яҙын яланда... Һыйыр йылы килә...Тертләп китәм:Ниҙәр булыр тағы еремә?..Ҡото, моңо, ғәме менән килһен,Тик китмәһен донъя кирегә!..