Бөтә яңылыҡтар
Новости
4 Декабрь 2020, 17:15

Башҡорт теле көнөнә арнап

14 декабрҙә Башҡорт теле көнө билдәләнә. Ошо айҡанлы “Vibeргә” тип аталған үҙенсәлекле интернет-конкурс бара.

14 декабрҙә Башҡорт теле көнө билдәләнә. Ошо айҡанлы “Vibeргә” тип аталған үҙенсәлекле интернет-конкурс бара.
14 декабрҙә билдәләнгән Башҡорт теле көнө айҡанлы үҙенсәлекле интернет-конкурс башланды. Ул “Vibeргә” тип атала.
Конкурстың маҡсаты – социаль селтәрҙәрҙә башҡорт телле контентты арттырыуға булышлыҡ итеү, башҡорт теленә, милләтебеҙҙең тарихына һәм шәжәрәләргә иғтибарҙы көсәйтеү.
Конкурста ҡатнашыусыларҙың йәше сикләнмәй. Ә нимәләр эшләргә һуң? Ҡатнашыусылар үҙҙәрен ике йүнәлештә һынап ҡарай ала: “Башҡорт телендәге иң яҡшы открытка” һәм “Башҡорт телендәге иң яҡшы вайн”. Уларҙы 7 декабргә тиклем “Бәйләнештә” йәки “Инстаграм” социаль селтәрҙәренә һалырға кәрәк. Конкурстың шарттары менән тулыраҡ рәсми аккаунттарҙа таныша алаһығыҙ: @bashkort_postcards һәм @bashkort_vine.
Баһалама составы билдәле башҡорт вайнерҙарынан, блогерҙарынан һәм башҡаларҙан торасаҡ. Еңеүселәргә 3 меңдән 50 мең һумғаса аҡсалата бүләктәр ҡаралған.
Әйҙәгеҙ, дәртләнеп эшкә тотоноғоҙ! Бәлки, башҡорт телендәге иң яҡшы открытканы йәки вайнды тап һеҙ ижад итерһегеҙ?!
Г. Яҡшығолова.
Читайте нас в