“Мөкәрәмә”

Булат Пирғәлин талантлы йырсы, композитор булараҡ учалыларға яҡшы таныш. Балалар һәм ололар өсөн йөҙҙән ашыу йыр авторы өс тиҫтә йылға яҡын Комсомольск мәҙәниәт йортонда эшләй.- “Макарена” йырын йырлай торғас, ҡолаҡҡа Мөкәрәмә тип ишетелгән кеүек булды. Шул ваҡытта йырҙы башҡортсаға әйләндереп була бит тигән идея тыуҙы. Һүҙҙәрен үҙгәртеп яҙып, бер нисә тауышҡа бүлеп сыҡтым. Аҙаҡтан видео төшөрөлөп, монтаж эшләнде. Этник музыка ҡоралдары ярҙамында, ҡыҙыҡлы тамаша килтереп сығарып була икәнлеген күрһәткем килде, - ти Булат Марат улы.“Мөкәрәмә” йыры һеҙҙең дә кәйефегеҙҙе күтәрһен, рәхәтләнеп ҡарағыҙ, ҡушылып йырлағыҙ һәм бейеп тә алығыҙ, дуҫтар!