+13 °С
Ясно
Новости
14 Января 2021, 13:55
Учалы үҙәк ҡала дауаханаһына коронавирустан вакцина килде
Ҡыуаныслы хәбәр еткерәбеҙ, ниһайәт, үҙәк ҡала дауаханаһына күптән көтөлгән коронавирустан вакцина килде, ул 270 кешегә иҫәпләнгән
- Бала табыу йортонда асылған ковид госпиталдә, 14 ғинуарға алынған мәғлүмәттәр буйынса, 29 кеше дауалана. Өс кеше реанимацияла ята. 126 кеше ОРВИ менән амбулатор рәүештә дауа ала, пневмониянан - 23 кеше. Һуңғы ике аҙна эсендә ОРВИ билдәләре менән поликлиникаға 509 кеше мөрәжәғәт иткән, уларҙың 324-е балалар, - тине Жанна Александровна.
Тағы бер ҡыуаныслы хәбәр еткерәбеҙ, ниһайәт, үҙәк ҡала дауаханаһына коронавирустан күптән көтөлгән вакцина килтерелде. Ул 270 кешегә иҫәпләнгән. Препаратты һаҡлау өсөн махсус шарттар булдырылған. Киләсәктә вакцинаның партиялар менән килеүе көтөлә.
Үҙәк ҡала дауаханаһының баш табип урынбаҫары Жанна Балясова әйтеүенсә, әле килгән прививка тәү сиратта психоневрология интернаты хеҙмәткәрҙәренә һәм тәрбиәләнеүселәренә эшләнәсәк. Бының өсөн барыһы ла әҙер, бөгөндән табиптар бригадаһы учреждениеға барып, прививка яһай башлаясаҡ. Вакцинаның киләһе партиялары иң тәүҙә табиптарға, уҡытыусыларға, полиция хеҙмәткәрҙәре, социаль тармаҡта эшләүселәргә ҡуйыласаҡ. Йәғни халыҡ менән тығыҙ бәйләнештә эшләгән кешеләргә. Артабан инде хроник сирлеләргә һәм ябай халыҡҡа эшләү күҙаллана.
Әйткәндәй, киң вакцинациялау кампанияһы Владимир Путин ҡушыуы буйынса 18 ғинуарҙан башлана.
