Халыҡ һине онотмай

Бөгөн уҙған быуаттың туҡһанынсы йылдарында киң популярлыҡ яулаған, меңдәрсә кешенең яратҡан төркөмө булған “Дәрүишхан”дың солисы Дим Ҡоләхмәтовтың йәшләй генә яҡты донъя менән хушлашыуына - 16 йыл. "Дәрүишхан" төркөмө башҡорт мәҙәниәте тарихында сағыу бер күренеш булды. Яҡташыбыҙҙың йөрәге тибеүҙән туҡтаһа ла, сәхнә тигән күк йөҙөндә уның йондоҙо әле һүнмәгән. Исеме гелән тел осонда, йырҙары һәр саҡ йөрәктәрҙә, рухы - күңелебеҙ түрендә. Уның йылмайыуҙан балҡып торған алсаҡ йөҙө бөгөнгөләй күҙ алдында. Оло йөрәкле, көслө рухлы, талантлы кеше булды ул. Ул ижад иткән, башҡарған рухлы йырҙарын халыҡ бөгөн дә тыңлап туймай.