28 май – Сик һаҡсылары көнө

Оҙаҡламай Сик һаҡсылары көнө. Ошо көнгә һәм сик һаҡсыһы Айтуған Ҡотоевтың яҡты иҫтәлегенә арнап ҡаланың балалар-үҫмерҙәр спорт мәктәбендә дзюдо буйынса асыҡ турнир үтте. Сара алдынан хеҙмәт иткәндә башын һалған яугирҙең әсәһе Илүзә Халиҙар ҡыҙы Равилова тулҡынландырғыс сығыш яһай.

Урындағы сик һаҡсылары ойошмаһы спонсорлығында үткән ярышҡа күп кеше килергә тейеш ине, тик бына пандемия ҡатнашыусылар һанын сикләне. Шулай ҙа, Йылайыр районы вәкилдәре менән үҙебеҙҙең көрәшселәр 70-тән ашыу булды.

Ярыш бик сәмле бара.Уҙ ауырлык категорияларын да тубәндәге чемпиондар билдәләнде. Ратмир Артыҡбаев, Айҙар Хафизов (тренерҙары Артур Гончаров ), Даян Мөхәмәтшин, Амалия Смоляная , Милена Шаһивәлеива ( Александр Воронцов), Фидан Баҡиев (Александр Шумков), Нургизә Камалетдинова, Карина Ғилметдинова, Зарина Сөләймәнова , Ислам Солтанов, Батыр Хөснөтдинов, Филдан Рәхмәтуллин, Арсен Шаһимарҙанов (Фәһем Шакиров ). Бынан тыш айырым номинациялар буйынса ла бүләкләү үтте: “Еңеүгә ихтыяр өсөн” – Амалия Усманова (10-сы мәктәп), Айнур Мөниров (Ҡотой); “ Оҫта алып бәргән өсөн” - Нургизә Камалетдинова (Ҡотой), “Иң теникаһы камил көрәшсе” - Арсен Шаһимарҙанов ( Ҡотой).

Был ярыш быйылгы укыу йылында һуңғыһы булды, йомғаҡ яһалды тип тә әйтергә мөмкин.

Булат ЯХИН