+24 °С
Облачно
Новости
23 Июня 2021, 11:09
Ҡәһәр һуҡҡыр сырмалсыҡ
Утау, утау һәм тағын да бер тапҡыр утау.
Шундай матур сәскәле үҫемлек шундай яуыз сүп үләне икәнлегенә иҫ китә. Башҡортса - сырмалсыҡ, йә эт эсәге. Русса - Вьюно́к полево́й (лат. Convōlvulus arvēnsis). Бөтә Учалы баҡсасыларын зар илата шикелле. Бәрәңгеңде быуып үлтерә бит, тамыр менән йолҡоп алырмын тимә, өҙөлә лә, ҡайтанан килеп сыға. Бәлки, берәйһенең уңышлы көрәш тәжрибәһе барҙыр, әммә интернеттан ҡарап, бер генә ышанырлыҡ ысул таптыҡ - ҡат-ҡат утау. Шул осраҡта тамырҙарҙың туҡтауһыҙ үҫенте бирерлек хәле ҡалмай, ти. Сәскә атып өлгөрһә, эш харап, ти - артабан киң тараласаҡ. Кем оҙағыраҡҡа сыҙай инде - баҡсасымы, эт эсәгеме?
Ғәжәп, әүәле йылдарҙа ҡарауһыҙ баҡсаларҙы башлыса алабута баҫыр ине, һуңғараҡ - билсән йәйелеп үҫә башланы. Сырмалсыҡ элек тә осрай торғайны, әммә ныҡ ҡаңғырған бер ҙә хәтерҙә ҡалмаған. Әллә ҡый үләндәре лә, вирус-бактериялар һымаҡ мутация үтеп, яһиллана барамы?
