+22 °С
Ямғыр
Новости
15 Сентябрь 2021, 03:48
Айыу ресторанға инеп маташа
Бер ҡасан айыуға яҡын бармағыҙ, ул үҙен тыныс тотҡан хәлдә лә!
Айыу ресторанға инеп маташа
Әбйәлил районында тау саңғыһы комплексы ресторанына айыу балаһы килгән. Хеҙмәткәрҙәр тайыш табандың эскә инергә теләп, баҫҡыста тапанып торғанын видеоға төшөрөп алған.
Айыу үҙен тәртипле тотҡан, тирә-йүнгә ҡаранып, тәҙрә янындағы баҫҡысҡа менеп баҫҡан да бинаның эсен тикшерә башлаған. Тайыш табан менән осрашыу нисек тамамланғандыр – билдәһеҙ.
Бынан алда «Башинформ» агентлығы ҡырағай йәнлектәрҙең әүҙемләшеүе тураһында хәбәр иткәйне. Әгәр кешегә айыу менән осрашырға тура килһә, белгестәр бына ошондай кәңәштәр бирә:
— бер ҡасан да айыуға яҡын бармағыҙ, хатта ул үҙен тыныс тотһа ла;
— айыуҙы ҡурҡытмағыҙ, сөнки уның һөжүм итеүе мөмкин;
— ҡулығыҙҙы өҫкә күтәрегеҙ, дуҫтарығыҙ менән бер урынға йыйылығыҙ — үҙегеҙҙе унан ҙурыраҡ икәнегеҙҙе күрһәтегеҙ. Айыуҙар дошманының ҙурлығына ҡарай;
— бер ҡасан да айыуҙан ҡасмағыҙ. Ул баҫтырырға ярата, кешенең артынан төшөүе мөмкин. Йөҙөнә ҡарап, әкрен генә артҡа китегеҙ. Алыҫта йөрөгән айыуҙың ғына хәүефһеҙ икәнен бер ҡасан да онотмағыҙ.
