Ишелеп ҡар яуа бөгөн

Автобуста бер мөләйем ҡатын йылмайып ҡаршыла ултырған иргә мөрәжәғәт итә:

-Һеҙ минең игеҙәктәрҙең атаһы буғай?

Теге  һушын юғалта яҙғас, аныҡлыҡ индерә:

-Мин тәрбиәсе, балалар баҡсаһында  төркөмөмә  йөрөгән игеҙәктәрҙе күҙ уңында тотҡайным!

Тәрбиәсе изалап-изалап балаға тығыҙ колготки кейҙерә. Эш тамамланыуға сабый белдерә:

-Был минең колготки түгел!

Тәрбиәсе һуҡрана-һуҡрана  кире сисеп бөтөүгә, бала йәнә телгә килә:

-Минең колготки тишелгән, шуға әсәйем ҡустымдыҡын кейҙереп ебәрҙе!

Бала өйөнә илап ҡайта.

-Яңы тәрбиәсебеҙгә исеме менән өндәшкәйнем, ул миңә иреште.

-Исемен беләңме һуң?

-Беләм – Жадина-Говядина.

-Жанна Генадьевна ул, Жадина-Говядина түгел!

Тәрбиәсе ҡиммәтле маникюр яһатып килә. Бер малай һоҡланып тырнаҡтарҙан күҙен алмай.

-Матурмы, оҡшаймы?

-Әлбиттә, оҡшай!  Ағас башына үрмәләгәндә тырнаҡ менән  йәбешергә була бит!

 Атай кеше артынан тәрбиәсе йүгерә.

-Туҡтағыҙ, һеҙ икенсе баланы  алып ҡайтып бараһығыҙ!!!

-.....ә ниндәй айырма? Иртәгә бары кире килтерергә.