Ватрушкалар

Ватрушкалар ⠀

 Кәрәк⠀⠀
2 стакан он, 0,5 стакан шәкәр, 0,5 стакан һөт, 2 аш ҡаалғы май, 2 йомортҡа, 10 г дрожжи, 0,25 бал ҡалағы тоҙ, ҡамырға һыларға 1 күкәй, шәкәр пудраһы. ⠀⠀ ⠀⠀

Эслек өсөн: 200 г эремсек, 1 йомортҡа, 1,5 аш ҡалағы шәкәр, 1 бал ҡалағы он, 50 г йөҙөм, 6 аш ҡалағы мәк, 3 аш ҡалағы бал. ⠀⠀ ⠀⠀

Дрожжины йылы һөттә эретергә. Тоҙ, шәкәр, йомортҡа һалып болғарға. Иләнгән он ҡушып, бер аҙ йомшарған майҙы һалып ҡамыр баҫырға һәм пленка менән ҡаплап, йылы урынға ҡуйырға. 2-2,5 сәғәттән ҡабарған ҡамырҙы баҫҡылап, тағы 40-50 минут тоторға пленка аҫтында. Йөҙөмдө йылы һыуҙа сайҡап, эремсеккә шәкәр ҡушып, йомортҡа, он һәм йөҙөм һалып, яҡшылап бутарға.  

Мәкте сайҡап яҡшы итеп һыуын һарҡытырға. Кәстрүлгә һалып һүрән утта бер туҡтауһыҙ болғатып 10 минут ҡайнатырға. Ҡамырҙы тағы бер ҡат баҫырға һәм он һибелгән таҡтаға һалып 6 см 
 ҡалынлыҡта оҙонса йәйергә. Уны тигеҙ 10 киҫәккә бүлеп, барыһын да шар формаһына килтерергә.  Шарҙар эсенә уйымдар эшләргә.  Ватрушкаларҙың бер өлөшөнә эремсек, ә ҡалғандарына мәктән эслек һалырға.   Мәк тирәләй матурлап эремсек һалырға.  Ватрушкаларҙы табаларға һалып 30 минут тоторға. Унан һуң ватрушкаларҙың өҫтөнә еңелсә генә туҡылған йомортҡа һыларға һәм 180 градус  ҡыҙған духовкала 40 минут бешереп алырға.