Бала бәхете өсөн иң тәү сиратта ни талап ителә? Яндарында алсаҡ һәм айыҡ (!) ата-әсәләре булыу! Ә ата-әсәләрҙең айыҡлыҡты хуп күреүҙәре арҡаһында әкиәттәгесә ҡупшы уйын майҙансығы ҡалҡып сыға икән - бәхеттәре икеләтә-өсләтә арталыр.
Илсе "Айыҡ ауыл" конкурсында еңеп, 5 миллион һумлыҡ сертификат менән бүләкләнеүе тураһында яҙғайныҡ. Һәм бына, ошо аҡсаның бер өлөшөнә ауылда уйын майҙансығы сафҡа тапшырылды. Асыу тантанаһы бик күңелле үтте, был хаҡта киләһе һан гәзиттә. Афарин, илселәр!