Хоҡуҡтарығыҙҙы беләһегеҙме?

Башҡортостан Республикаһыныңы Ғаилә, хеҙмәт һәм халыҡты социаль яҡлау министрлығы хәбәр итеүенсә, яңы уҡыу йылы алдынан льготалары булған балаларҙың ата-әсәләренә МФЦ-ға, халыҡты социаль яҡлау бүлексәләренә белешмә артынан йөрөргә кәрәкмәй. Был мәшәҡәттәрҙең барыһын да белем биреү учреждениеһы үҙ аллы хәл итә.

Мәҫәлән, күп балалы ғаиләләргә түбәндәге хоҡуҡтарын белеү ҡамасауламаҫ:

ике йылға бер тапҡыр мәктәп формаһы хаҡын компенсация рәүешендә кире ҡайтарырға мөмкин;

мәктәптә йәки дәүләт һөнәри белем биреү ойошмаһында белем алыусы күп балалы ғаиләләрҙә тәрбиәләнеүсе уҡыусыларҙы бушлай ашатыу ҡаралған;

күп балалы ғаиләләрҙән 1-се класҡа уҡырға барғандарға мәктәп кәрәк-ярағы бирелә.

Был ташламалар ғаиләне аҙ тәьмин ителгәндәр категорияһына ҡарауын раҫлаған белешмә менән нығытыла.

Үҙегеҙҙе ҡыҙыҡһындырған һорауҙарҙы 8 (347) 200-80-80 телефоны буйынса  (8.30-ҙан 17.30 сәғәткә тиклем, йома 8.30-ҙан 17.00 сәғәткә тиклем) бирергә мөмкин, тип хәбәр итә республиканың Ғаилә, хеҙмәт һәм халыҡты социаль яҡлау министрлығының матбуғат хеҙмәте.

Сығанаҡ: https://mintrud.bashkortostan.ru/presscenter/news/474..

Фото асыҡ сығанаҡтарҙан.