+22 °С
Ямғыр
Новости
14 Сентябрь 2022, 05:20
"Колхоз баҙары" янып юҡҡа сыҡты
Өфөнөң Черниковка биҫтәһендәге 5400 квадрат метр майҙанда «Меркурий» сауҙа-күңел асыу комплексы уттан ныҡ зыян күрҙе
"Колхоз баҙары" янып юҡҡа сыҡты
Республикаға идара итеү үҙәгендә уҙған оператив кәңәшмәлә Башҡортостандың ғәҙәттән тыш хәлдәр буйынса дәүләт комитеты рәйесе Фәрит Ғүмәров 9 сентябрҙә «Меркурий» сауҙа-күңел асыу комплексында булған янғынға йомғаҡ яһаны.
«5400 квадрат метр майҙанда «Меркурий» сауҙа-күңел асыу комплексының ҡыйығы, сауҙа нөктәләре уттан зыян күргән. Һәләк булыусылар юҡ. Янғынды һүндереүгә 190 кешенән һәм 54 берәмек техниканан торған төркөм, шул иҫәптән республиканың Ка-32А11ВС янғын-ҡотҡарыу вертолеты йәлеп ителгән», — тине Фәрит Ғүмәров.
Башҡортостан Башлығы Радий Хәбиров вертолет янғынды һүндергәндә үҙенең һөҙөмтәлелеген күрһәттеме, юҡмы икәнен асыҡланы.
«Эйе, күрһәтте», — тип яуапланы Фәрит Ғүмәров.
Шул уҡ ваҡытта республика етәксеһе урман янғындарына бәйле хәлде күҙәтеп барыға ҡушты.
«Башинформ» хәбәр иткәнсә, Өфөләге «Меркурий» сауҙа-күңел асыу комплексында сыҡҡан янғынға электр ҡорамалының авариялы эшләүе сәбәпсе.
