Ир-егеттәр хәрби әҙерлек үтеүгә саҡырыла

Рәсәй Президенты Владимир Путин быйыл запастағы рәсәйҙәрҙе хәрби уҡыуҙарға саҡырыу тураһындағы указға ҡул ҡуйған.

«2023 йылда запаста торған РФ граждандарын Рәсәй Федерацияһы Ҡораллы көстәрендә, милли гвардия ғәскәрҙәрендә, дәүләт органдарында һәм Федераль хәүефһеҙлек органдарында хәрби әҙерлек үтеүгә саҡырырға ҡарар итәм», - тиелә рәсми документта.

Хөкүмәткә һәм төбәк властарына хәрби әҙерлек үтеүгә саҡырыуға бәйле сараларҙы үткәреү йөкмәтелде.

Фото асыҡ сығанаҡтарҙан алынды.