Ҡайҙа Ватан башлана?

Мәҡәләне РФ Президенты В.В.Путиндың иң яратҡан йырынан бер куплетты иҫкә алыуҙан башлайыҡ.

“С чего начинается Родина?

С заветной скамьи у ворот,

С той самой березки что во поле

Под ветром склоняясь, растет”.

Бик мәғәнәле һүҙҙәр! Һәр кемебеҙҙең күңел төбөндә һаҡланған иң йылы, иң нескә хәтирәләр, бар асылыбыҙҙың нигеҙ ташы – бала сағыбыҙҙа кисергән тойғолар һәм һоҡландырған күренештәр. Ватанға ла, уның бик мөһим өлөшө – тыуған яҡтың тәбиғәтенә ҡарата ла һөйөү тап бала саҡта, күңел ҡайышланып өлгөрмәгән ваҡытта ярала.

Учалыла йәш тәбиғәт дуҫтары араһында  “Башҡортостаным – ғиффәт төйәгем” («Башкортостан – край мой заповедный») фотоконкурсы бара. Берсә Республика көнөнөнә лә, Халыҡтар берҙәмлеге көнөнә лә бағышланған. Ойоштороусылар – район мәғариф бүлеге, “Ижад һарайы” учреждениеһы, БР айырыуса һаҡланған тәбиғәт биләмәләре дирекцияһы.Конкурс хәҙер инде туғыҙынсы йыл ойошторола, ҙур ҡыҙыҡһыныу уята. Быйыл 627 фоторәссам 662 эш тәҡдим иткән! Биш номинацияла баһалана: “Башҡортостандың уникаль мөйөштәре”, “Ирәмәл – Башҡортостан ынйыһы”, “Тәбиғәт һәм кеше”, “Һирәк һәм һаҡланған үҫемлек менән йән йән эйәләре”, “Һирәк кадр”.

-Һәр эш ҡыҙыҡлы, күңел биреп, яратып төшөрөлгән. Тамашасыларға ла ныҡ оҡшай: экскурсиялар үткәрелә, балаларҙың ихлас һоҡланыуҙарын ситтән күҙәтеү үҙе генә лә оло кинәнес! – ти Ижад һарайы методисы Вероника Талменева-Глушкова.

Ижад һарайы мәж килә. 27 октябргә тиклем һәр кем  барып үҙе лә һоҡлана ала был эштәргә (8.00-20.00 сәғәттәрҙә, Учалы ҡалаһы, Горький урамы, 1А). Ойштороусыларға ла, конкурсанттарға ла афарин!

П.С. Ә Ирәмәл 8 октябрь көнө ҡар менән ҡапланған, тип хәбәр иттеләр “Ирәмәл” тәбиғәт паркынан.

Фотографиялар - күргәҙмәнән һәм "Ирәмәл" паркы сайтынан.