Ә “һуғышты” абайламай ҡалһаң?

Барыбыҙ ҙа көнөнә бихисап тапҡыр төрлө кешеләр менән бәйләнешкә инәбеҙ. Туғандар, коллегалар, урамдағы кешеләр һәм башҡа. Ә бит һеҙ һаман да КБ (конструктив бәйләнеш) кимәлендә ҡалып, партнер ҠБ (ҡаты бәйләнеш) алымы менән эш итә башлаһа, йә Һуғыш кимәленә төшһә, еңеләсәкһегеҙ. Нисек бәйләнештәрҙе гел генә конструктив кимәлдә тоторға?

Ошо хаҡта Учалы мәғлүмәт үҙәге хеҙмәткәрҙәренә  мауыҡтырғыс итеп Айҙар Әхмәтйәнов бәйән итте. Яҡташыбыҙ Айҙар  Марат улы –профессиональ медиатор (килештереүсе), Башҡорт  социаль технологиялар институты хеҙмәткәре, йәмәғәт эшмәкәре. Осрашыуҙан ҡәнәғәт ҡалдыҡ – татыу йәшәү, бер төптән тотоноп эш итеү  заманыбыҙҙың көнүҙәк талаптарының береһе бит ул!