Үҙ йортонда - ысын музей

Ҡолош ауылында йәшәүсе Хәҙис Сафиуллин уҙ йортонда музей асҡан. Ҡыҙыҡлы экспонаттарҙы ҡарарға унда көн һайын туристар килә. Күптән түгел иһә был үҙенсәлекле музейҙың шәхси коллекцияһында яңы экспозиция барлыҡҡа килде - ул Башҡортостан Башлығы Радий Хәбировҡа арналған.

- Мин уны хөрмәт итәм. Шуға ла "Башҡортостан" гәзиттәрендә сыҡҡан яҙмаларҙы ҡырҡып, ошо экспозицияны булдырҙым да инде, - ти Хәҙис ағай.

Республика етәксеһенең Учалыға эш сәфәре менән йыш килеүен Хәҙис Сафиуллин яҡшы белә, шуға ла берәй ваҡыт уның ҡулын ҡыҫырға һәм үҙенең бай музейын күрһәтеренә хыяллана.