Ике I дәрәжә дипломы!

“Ҙур өйгә ни кәрәк, бәләкәй өйгә лә шул кәрәк”, - тип әйтәләр. “Бәләкәй өй” ҡайһы саҡ “ҙур өйҙәрҙе” уҙҙырып та китә торған. Мәҫәлән, бәлкәй генә Ҡорама ауылының мәҙәниәт  усағы байтаҡ, күпкә ҙурыраҡ ултыраҡтарҙыҡынан да яҡтыраҡ һәм йылыраҡ дөрләй  буғай!

Рәсәйҙең баш ҡалаһында “На Олимпе” тип аталған Халыҡ-ара онлайн конкурс-сәнғәт фестивале уҙғарыла. Ойоштороусы – Мәскәүҙең мәҙәниәт департаменты, Ҡырым республикаһының  мәһәниәт министрлыҡтары  булышлығы менән A.G.L. «PRODUCTION» продюсер үҙәге.  “Ҡорама” халыҡ театры (етәксеһе – БР атғаҙанған мәҙәниәт хеҙмәткәре Ғаяз Ниаз улы Ибраһимов) Әминә Яхинаның "Йәйғор ҡалҡҡанда" спектакль-фантасмагорияһы менән 1-се дәрәжә дипломына лайыҡ булды.

Шулай уҡ  Ҡорама ауыл мәҙәниәт йортоноң "Йәшмә" вокаль  ансамбле (етәкселәре Лариса Минзәлих ҡыҙы Ҡотоева) "Что может быть лучше России?" йырына видеоклип төшөрөп, "Арт Империя" Бөтә Рәсәй конкурсында 1-се дәрәжә дипломы алдылар. Барыһын да ихлас ҡотлайбыҙ, яңынан-яңы ижади үрҙәргә артылыуҙарығыҙҙы теләйбеҙ!