Ғаилә менән - һайлауға!

Ҡобағош ауылында һайлауҙарға тотош ғаилә менән килеүселәр күп. Мәҫәлән, ауыл клубы мөдире Динара Гәрәева нәҡ шундайҙарҙан.

Динара Сәғит ҡыҙы республика өсөн мөһим сараға ҡыҙы Линара, улдары Иҙел һәм Батырхан менән килгән. Линара Белорет медицина колледжының 3-сө курсында акушер-гинеколог һөнәрен үҙләштерә. Ә Иҙел ҡустыһы быйыл һайлауҙарҙа тәүләп ҡатнаша. Егет Белорет металлургия колледжында уҡып йөрөй. Ә 6-сы Миндәк мәктәбенең 1-се класында белем алыусы Батырхан яҡындарының үҙ бурыстарына етди ҡарауҙарын күреп, үҫеп еткәс, мин дә һайлауҙарға мотлаҡ йөрөйәсәкмен, тип үҙенә һығымта яһап ҡуйҙы.