Беренсе тапҡыр һайланы

Ҡобағош һайлау участкаһы рәйесе Рәйсә Ишмөхәмәтова бөгөн һайлауҙарҙа беренсе тапҡыр ҡатнашыусы Шамил Лоҡмановты тәбрикләне. Гражданлыҡ бурысын үтәргә килгән егеткә изге теләктәрен еткереп, бүләк тә тапшырҙы.

Шамил әлеге көндә Белорет металлургия колледжының өсөнсө курсында уҡып йөрөй. Иретеп йәбештереүсе һөнәрен үҙләштереүсе егеткә республикабыҙ яҙмышына битараф булмағанына һоҡланабыҙ.