Осто, осто торналар

Осто, осто торналар

Ҡунаҡбай  ауылында “Аҡ торналар” Бөтә Рәсәй акцияһы сиктәрендә тантана үтте.  Ватанын һаҡлап  яу ҡырында баштарын һалған һалдаттарҙы иҫкә алыу.

А.Матросов-Ш.Мөхәмәтйәнов һәйкәле янында митинг үтә. Иң ҡәҙерле  ҡунаҡтар -Ҡунаҡбай ауыл Советы ултыраҡтарынан МХО-ла һәләк булған яугирҙәребеҙҙең яҡындары. Уҡыусы балалар ҡағыҙ торналар беркетелгән шарҙарҙы күккә осорҙо, яҡлаусыларыбыҙҙың  әрүәхтарына тура барып етерҙәр төҫлө, бер кем дә битараф ҡалманы был күренештән....   Ҡала һәм район Ҡатын-ҡыҙҙар, шулай уҡ Атайҙар Советтары бүләктәр тапшырҙы, күңел төбөнән урғылған рәхмәт һүҙҙәрен еткерҙе.

Сарала мобиль ФАП эшләй, бушлайға адвокат һәм психолог хеҙмәтләндереүе күрһәтелә.

Бындай сара иң ҡеүәтле тәрбиә алымы. Балалар күп килә, улар өсөн һуңынан ярыштар, музейға экскурсия, Ҡунаҡбай клубында сәй табыны ойошторола. Бер генә теләк, исмаһам был сабыйҙарға, Шакирйән Мөхәмәтйәнов, әлеге МХО яугирҙәре кеүек Ватанға тоғролоҡтарын ҡулға ҡорал тотоп раҫларға тура килмәһен инде!