Китап әҙер

2025 йылдың 30 мартында Учалы районының барлыҡҡа килеүенә 95 йыл тула. Районыбыҙҙың оло юбилейына “Учалы ынйылары” ("Жемчужины Учалы”) исемле ҙур күләмле китап әҙерләнде. (Автор-төҙөүсеһе - филология фәндәре кандидаты Р.В.Шаһиев).
-Был хеҙмәт балалар баҡсаһы тәрбиәселәренең, мәктәп уҡыусыларының, уҡытыусыларының, мәҙәниәт усаҡтары хеҙмәткәрҙәренең, ҡыҫҡаһы, изге еребеҙгә ереккән ырыуҙар вариҫтарының күңелен байытырлыҡ, илһөйәрлек тойғоларын уятырлыҡ өҫтәл китабына әйләнәсәгенә ышанабыҙ. Китап “Йолалар”, “Легендалар”, “Риүәйәттәр”, “Йырҙарыбыҙ-көйҙәребеҙ, мәдхиәләр” бүлектәренән тора. Әйтергә кәрәк, был ҡомартҡы — республикала беренсе ошо төр китап.
Ҡала-район мәҙәниәт бүлеге етәкселәре, ҡала-район башҡорттары ҡоролтайы башҡарма комитеты, район-ҡала китапханалары мөдирҙәре, мәҙәниәт йорттары, мәктәп директорҙары, ауыл Советы биләмәләре башлыҡтары атайсалыбыҙҙың оло юбилейына бағышланған изге үә рухи ҡомартҡыны донъяға сығарыуҙа мөмкин тиклем матди ярҙам күрһәтһәләр, рәхмәтле булыр инек. Бәйләнеш өсөн  телефон -8 967 733 04 89, -ти редколлегия исеменән автор-төҙөүсе Р.В.Шаһиев.