Бер төптән

“Ирәмәл” тәбиғәт паркында берсә тәбиғәтте һаҡлау һәм граждандарҙың хәүефһеҙлеген ҡайғыртҡан масштаблы рейд үтте.

Сарала төрлө ведомство вәкилдәре ҡатнаша: “Ирәмәл” паркы начальнигы М.Р.Дияров, өлкән инспектор А.В.Байков, БР Экология министрлығы хайуандар донъяһы объекттарын һаҡлау һәм файҙаланыу буйынса Белорет хеҙмәтенең баш белгес-эксперты А.Д.Мусин,  Белорет районы буйынса эске эштәр министрлығы бүлегенең юл инспекторы А.Р.Мәғәфүров, Учалы һәм Белорет райондарындағы “Гостехнадзор” инспекторҙары Р.Д.Ағзамов менән З.М.Казин.

Маҡсат – дәүләт техник күҙәтеүе талаптары, тәбиғәтте һаҡлау ҡануниәте үтәлеүен тәьмин итеү. Ведомство-ара һәм комплекслы сара биләмәне тулы һәм сифатлы тикшерергә ирек бирҙе.

Рейд барышында ике тиҫтәнән ашыу ҡаргиҙәр техника тикшерелде.Юл хәрәкәте хәүефһеҙлеге тәңгәлендә - ике ( РФ Административ хоҡуҡ боҙоуҙар кодексының  12.2, 12.5-се статьялары), шулай уҡ айырыуса һаҡланған тәбиғәт территориялары режимын боҙоу буйынса ( Кодекстың 8.39-сы статьяһы)  йәнә ике осраҡ асыҡланды  Бөтә осраҡтарҙа ла талап ителгән  документтар төҙөлөп, яза биреү өсөн тейешле инстанияларға ебәреләләр.

 Һәр кемебеҙ парк биләмәләренә ҡунаҡҡа ғына бара алабыҙ, ҡунаҡ булһаң – тыйнаҡ бул тигәнде һис тә оноторға ярамай!