Милли кейем – милләт күрке

2025 йылдың 12 сентябрендә беҙ иң сағыу һәм матур байрамдарҙың береһен — Милли кейем көнөн билдәләнек. Был беҙҙең мираҫыбыҙ өсөн берҙәмлек, ихтирам һәм ғорурлыҡ байрамы. Башҡортостан республикаһы халыҡтарының милли кейеме көнө - республикабыҙ халыҡтарының байлығын һәм мәҙәниәттәренең төрлөлөгөн күрһәтеү өсөн бик яҡшы сәбәп. 2-се урта дөйөм белеем биреү мәктәбе  уҡыусылары өсөн 2-се ҡала модель китапханаһы  "Рәсәй халыҡтары костюмдары"фольклор сәғәте үткәрҙе. Сара барышында балалар Башҡортостан халыҡтарының милли кейемдәре менән танышты. Балалар иғтибарына рус, башҡорт, татар, сыуаш, мордва костюмдарының матурлығы тураһында хикәйәләр тәҡдим ителде. Милли кейем — һәр халыҡтың мәҙәниәтенең айырылғыһыҙ өлөшө, тип һөйләнеләр. Был кейем генә түгел, ә тотош халыҡ тураһында һөйләй алған ҙур тарих. Интеллектуаль уйында милли костюмдарҙы һүрәтләгән һүрәттәрҙе улар ҡараған халыҡ менән берләштерәләр.
«Милли кейем Көнө» кеүек саралар ярҙамында йәш быуын йолалар, ғөрөф-ғәҙәттәр һәм халыҡ ижады менән таныша.

Гөлнара Таипова, китапханасы