Башҡортостан башлығы Учалы коррекцион мәктәп-интернатының яңыртылған корпусында

2024 йыл Республика башлығы указы менән Башҡортостанда һаулыҡ мөмкинлектәре сикләнгән кешеләр хаҡында хәстәрлек күреү йылы тип иғлан ителгәйне, шуға ярашлы Учалы коррекцион мәктәп-интернаты 2024-2025 йылдарҙа “Мәғарифтың мәктәп системаһын модернизациялау” дәүләт программаһына инде һәм икенсе корпуста федераль һәм төбәк средстволары иҫәбенә капиталь ремонт башҡарыла. Ял итеү урындары, зона коворкингы, мәғлүмәт - китапхана үҙәге өсөн заманса рекреация киңлеге булдырыла. Бөтә уҡыу кабинеттарына интерактив таҡталар, мультимедиа проекторҙары, күп функциялы йомшаҡ мебель, интерактив киоск һәм башҡалар һатып алынған. Республика бюджеты иҫәбенә мәктәп биләмәһе төҙөкләндерелде. Китап фонды тулыһынса йыһазландырылған. 2026 йылда 1-се корпусты ремонтлау башлана. Ремонт эштәрен һәм заманса ҡорамалдар менән йыһазландырыуҙы ла индереп, дөйөм финанслау күләме 23 миллион һум тәшкил итә. Төҙөүселәр түшәмдәрҙе, иҙәндәрҙе, тәҙрәләрҙе, ишектәрҙе, инеү төркөмдәрен, баҫҡыстарҙы алмаштыра, эске штукатурлау, тышлау һәм буяу эштәрен, ҡыйыҡты, йылытыу системаларын, эҫе һәм һалҡын һыу менән тәьмин итеүҙе, канализацияны, электр монтажлау эштәрен, аҙ токлы селтәрҙәрҙе ремонтлай. Эштәрҙе тамамлау 2026 йылдың 1 авгусына планлаштырылған.