Яңы көн

Урам тәҙрәһенән ҡарап торам,
Яйлап ҡына һыҙылып таң ата,
Йома иртәһе, күңелемә рәхәт,
Ярҙамыңдан Аллам ташлама.

Бөтәбеҙгә бүләк ит һин ғүмер,
Борсоу-ҡайғыларҙы алып кит.
Күңел тыныслығы, тәнгә сихәт,
Бәрәкәтле тормош насип ит.

Күктәребеҙ аяҙ, илебеҙ имен,
Тыныс булһын инде йәнебеҙ.
Ил һаҡларға киткән улдарыбыҙ,
Имен-аман әйләнеп ҡайтһындар!

Нәҡип ӘЙҮПОВ,

Озерный ауылы.