"Хәмер"

Яһалма Зиһенде башҡортса йырларға өйрәтеүҙе дауам итәбеҙ.Йыр көйөнсә беҙҙең ВКонтакте төркөмөндә тыңлай алаһығыҙ - https://vk.com/club165174096

Мәүлит Ямалетдинов "Хәмер" (робағиҙар циклынан)

"Хәмер"

Хәмер килеп ойоланы өйөңә,

Хужа булды йөрәгеңә, мейеңә.

Иҫеректәр иҫәпкә бар, һанға юҡ –

Күптән шуны көткән дошман һөйөнә.

Эйе, тормош тигәндәре харап, имеш,

Дарыуына ыу ҡушылған шарап, имеш.

Барыһына күҙҙе йомоп, төп күтәрә

Эсәм тиһәң, уныһы ла харам, имеш.

Ун бәләнең егермеһе – әлеге шул хәмерҙән.

Тик көлөргә ашыҡма был сәйерерәк хәбәрҙән.

Бәләләрҙең унауынан был доъяла интекһәң,

Унауынан әхирәттә ут йоторға әҙерлән.