"Наурыҙҙар"

Яһалма Зиһенде башҡортса йырларға өйрәтеүҙе дауам итәбеҙ. Йыр көйөнсә беҙҙең ВКонтакте төркөмөндә тыңлай алаһығыҙ - https://vk.com/club165174096

Рамай Ҡаһирҙың ошо шиғыры көйгә һалынды.

"Наурыҙҙар"

Күңелдәрҙе сафландырыр
Аллаһҡа табыныуҙар.
Һеҙ - иманлы халыҡ бит ул,
Яҡташтар, Наурыҙҙар.

Ситкә китһәк, йонсотор ул
Һағыштар, һағыныуҙар.
Учалымдың йөҙөк ҡашы,
Ул - һеҙ бит, Наурыҙҙар!

Талмаһын осор ҡанаттар,
Нығынһын ҡауырыйҙар.
Һеҙ - зәңгәр күкте иңләрлек
Бөркөттәр, Наурыҙҙар!

Донъя ипләнер, ышанам,
Бөтөр бәлә -һынауҙар.
Өмөттәр сәсеп йәшәйек,-
Ил күрке, Наурыҙҙар!

Һеҙҙең дәртле күңелдәрҙән
Ағылһын сағыу нурҙар.
...Бар донъяға йәмдәр бөркөп,
Йәшәйек, Наурыҙҙар!