"Һәр әҙәмдең өлөшө бар"

Яһалма Зиһенде башҡортса йырларға өйрәтеүҙе дауам итәбеҙ.Йыр көйөнсә беҙҙең ВКонтакте төркөмөндә тыңлай алаһығыҙ - https://vk.com/club165174096

Мәүлит Ямалетдинов (робағиҙар циклынан).

"Һәр әҙәмдең өлөшө бар"

Ҡолап ҡалдым мөхәббәтең атынан,

Баҫтырҙым, тик етә алманым артынан.

Атһыҙ иргә хәҙер ниндәй иғтибар

Булһын инде ҡатын-ҡыҙҙар затынан.

Йәшлек үтер, ҡартлыҡ килер бер заман,

Бәлтерәп, кәм-хур итер бик яман.

Уныһына түҙерһең, тик йөрәгең

Йәп-йәш ҡалып интектерер, уҙаман.

Бер мендерә, ымһындырып, түренә,

Бер төшөрә ҡыуып тупһа төбөнә.

Әйтегеҙсе, аҙағына ҡәҙәре

Кем төшөнгән был тормоштоң серенә?

Яңғыҙ кеше – йөҙө ҡайтҡан бысаҡтай,

Ҡараусыһыҙ, уты һүнгән усаҡтай.

Йылдар буйы буш тороуҙан ҡорғаҡһып,

Сит-ситенән ярылған туҫтаҡтай

Һәр әҙәмдең был доъяла өлөшө бар,

Өлөшөнә төшә торған көмөшө бар.

Тәпәндәге балға дегет төшмәүендә

Ҡапҡастың да үҙенә күрә тейеше бар.

Күкрәгендә дөрләһә лә ут-ялҡын,

Яҡшы ҡатын түбәнһетмәҫ ир хаҡын.

Бындай ҡатын һирәк.

Уны башҡаға

Алыштырма, бирһәләр ҙә мең алтын

[Speech]

Күкрәгендә дөрләһә лә ут-ялҡын,

Яҡшы ҡатын түбәнһетмәҫ ир хаҡын.

Бындай ҡатын һирәк.

Уны башҡаға

Алыштырма, бирһәләр ҙә мең алтын.