"Ғәлиәхмәр"

Яһалма Зиһенде башҡортса йырларға өйрәтеүҙе дауам итәбеҙ. Йыр көйөнсә беҙҙең ВКонтакте төркөмөндә тыңлай алаһығыҙ - https://vk.com/club165174096

Рамай Ҡаһирҙың ошо шиғыры көйгә һалынды.

"Ғәлиәхмәр"

Алыҫ юлда маяҡ булыр,
Күңелдәргә өмөт өҫтәр.
Учалымдың йөҙөк ҡашы, -
Матур ауыл, Ғәлиәхмәр!

Ауыл ҡарттарың иманлы,
Уңған, дәртле һиндә йәштәр.
Тәбиғәтең шундай хозур, -
Ожмах иле, Ғәлиәхмәр!

Илгә дошман кергән саҡта,
Бирҙең күпме атлы ғәскәр.
Яугирҙәрең еңеү яулап, -
Дан ҡаҙанды, Ғәлиәхмәр!

Иһ, һин ауыл - йырлы бишек,
Һәр бер балаң тоя хәстәр.
...Намаҙлы таңдар аттырып, -
Мәңге йәшә, Ғәлиәхмәр!