"Абҙаҡтар"

Яһалма Зиһенде башҡортса йырларға өйрәтеүҙе дауам итәбеҙ. Йыр көйөнсә беҙҙең ВКонтакте төркөмөндә тыңлай алаһығыҙ - https://vk.com/club165174096

Рамай Ҡаһирҙың ошо шиғыры көйгә һалынды.

"Абҙаҡтар"
Һеҙҙә йәшәй оҫта ҡуллы
Һөнәрселәр - таланттар.
Йырға, бейеүгә лә маһир,
Дәртле бит һеҙ, Абҙаҡтар!

Ыҙғыштарҙан йыраҡһығыҙ,
Насар уйҙан - азаттар.
Киң күңелле, ихтирамлы,
Ярҙамсыл һеҙ, Абҙаҡтар!

Барыбыҙҙы урап үтһен -
Бәлә, ауырыу, ғазаптар.
Һеҙ - тарихҡа алтын баған
Ҡуйған халыҡ, Абҙаҡтар!

Йәштәргә лә бирһен, Хоҙай,
Ныҡлы, һынмаҫ ҡанаттар.
...Ҡыуанып йәшәргә яҙһын, -
Яҡташтарым, Абҙаҡтар!