"Яңауыл-Буранғол"

Яһалма Зиһенде башҡортса йырларға өйрәтеүҙе дауам итәбеҙ. Йыр көйөнсә беҙҙең ВКонтакте төркөмөндә тыңлай алаһығыҙ - https://vk.com/club165174096

Рамай Ҡаһирҙың ошо шиғыры көйгә һалынды.

"Яңауыл-Буранғол"

Ҡурҡыныс түгел Яманһаҙ,
Бурап өргән ел-дауыл.
Һағыныуҙар сиктән ашҡан,
Ҡайтам һиңә, Яңауыл!

Ҡарағастар шаулап үҫкән,
Яйыҡ - йылға башына.
Самауырыңды шыжлатып
Ултыр, әсәй, ҡаршыма!

Остотауға ҡараш ташлап,
Бер һоҡланһам Аҡкүлгә.
Тылсым тула, сихри тылсым, -
Илһамланған күңелгә!

Ер шарын урап сыҡтым да,
Артылдым күп тауҙарға.
Тыуған яҡтың ҡәҙерҙәрен, -
Өйрәндем мин аңларға.

Һималайҙың түбәһендә,
Торам, бында - ел, дауыл.
...Уйҙарымда - Яйыҡ башы,
Хыялымда - Яңауыл!