"Сораман"

Яһалма Зиһенде башҡортса йырларға өйрәтеүҙе дауам итәбеҙ. Йыр көйөнсә беҙҙең ВКонтакте төркөмөндә тыңлай алаһығыҙ - https://vk.com/club165174096

Рамай Ҡаһирҙың ошо шиғыры көйгә һалынды.

"Сораман"

Гүзәл ерҙәр ҡайҙа тиеп,
Дуҫтар, һеҙҙән һорамам.
Белеп торамын былай ҙа:
Матур төбәк - Сораман!

Һағынғанда, тауҙар аша,
Сығам уға туранан.
Ҡоластарын йәйеп мине, -
Ҡаршы ала Сораман.

Матур һәм бай илдәр эҙләп,
Бар донъяны урамам.
Үҙе бер ожмах иле ул, -
Данлы ауыл - Сораман!

 Сит ерҙәрҙә йәшәй алмам,
Яҡты хыял ҡоралмам.
...Йыр эҙләгән күңелемде, -
Илһамландыр, Сораман!