"Кәрим"

Яһалма Зиһенде башҡортса йырларға өйрәтеүҙе дауам итәбеҙ. Йыр көйөнсә беҙҙең ВКонтакте төркөмөндә тыңлай алаһығыҙ - https://vk.com/club165174096

Рамай Ҡаһирҙың ошо шиғыры көйгә һалынды.

"Кәрим"

Үҙ-үҙемә әйтәм һәр саҡ,
Йәшәһәң һин, матур йәшә!
Һәр килгән көнгә ҡыуанып
Һәм дәртләнеп, Кәримдәрсә!

Тоям, уларҙың күңеле -
Тик изгелек һәм нур сәсә.
Йәшәй улар һоҡландырып
Һәм һоҡланып, Кәримдәрсә.

Йәш саҡтарҙа аралашҡан
Дуҫтар һаман иҫкә төшә.
Күмәс тауы буйҙарында, -
Һәр йыл уңып сейә бешә!

Абруйлы унда атайҙар
Һәм хөрмәтле һәр бер әсә.
Иманлылар төйәге ул, -
Йәшәүҙәре - Кәримдәрсә!

Һөйләшәләр саф башҡортса,
Ҡыуаныстан күңел үҫә.
Кинәйәләп, майлап-тоҙлап,
Үҙҙәренсә, Кәримдәрсә.

Үҙ-үҙемә әйтәм һәр саҡ,
Йәшәһәң һин, шулай йәшә:
Тормош ҡәҙерҙәрен белеп -
Нурҙар сәсеп, Кәримдәрсә!