+26 °С
Облачно
On-line яңылыҡтар
21 Июля 2021, 08:36
"..Бары яҙһын һеҙгә филдәй Ҙурайып, көрәйергә!"
Төркөмдәшебеҙҙең кинәйәле шиғыры
"..Бары яҙһын һеҙгә филдәй Ҙурайып, көрәйергә!"
Кесерәйтеү.
Әгәр уйлаһағыҙ мине
Хурлап, кесерәйтергә.
Теләр инем һеҙгә матур
Бер - ике һүҙ әйтергә.
Әҙермен мин йөҙ тапҡырға
Хатта кесерәйергә.
Бары хәлегеҙҙән килһен, -
Күктә ҡанат йәйергә.
Әйҙә, филдәй ҙурайығыҙ,
Бер сәбәп юҡ көйөргә.
Яҙһын һеҙгә туған телде -
Хөрмәт итеп, һөйөргә!
Яҙһын ижади донъяла
Дәү кәбәндәр өйөргә.
Ашығырмын һеҙҙе маҡтап,
Зәңгәр күккә сөйөргә!
Әгәр теләһәгеҙ мине
Хурлап, кесерәйтергә.
Үҙегеҙсә, еңел генә -
Йәшәргә өйрәтергә.
Әҙермен мин мең тапҡырға
Хатта кесерәйергә.
...Бары яҙһын һеҙгә филдәй
Ҙурайып, көрәйергә!
Рамай Ҡаһир, https://vk.com/id470811619
