Автовокзалда ла вакцинация үтә

Учалы ҡалаһында 30 июлдән автовокзалда ла мобиль вакцинация пункты булдырылды - 9.00-13.00 сәғәттәрҙә эшләй, тип хәбәр итте район хакимиәте башлығы Руслан Ғиләзетдинов социаль селтәрҙәге сәхифәһендә.

Учалы үҙәк ҡала дауаханаһында  прививкалар көн һайын, ялһыҙ башҡарыла, 8.00-20.00 сәғәттәрҙә, поликлиниканың 411-се кабинеты. 4-се ҡатҡа күтәререлеү ауыр булған аҙ мобилле граждандар эш көндәрендә, 8.00-16.00 сәғәттәрҙә 105-се кабинетҡа мөрәжәғәт итә ала.

Коронавирус ҡотора ғына бара, бәләһенән баш-аяҡ, барыбыҙ ҙа вакцина алайыҡ.