«Беҙҙең байрам” – беҙҙең байрам!

Эйе, “Беҙҙең байрам” бейеүе  учалылар өсөн ысын байрам,  оло тантана-ҡаҙанышҡа әүерелде.

Быйыл “Байыҡ-2021” конкурсы онлайн  форматта үтте. Учалы филармонияһының “Урал-Тау” балалар вокаль художество студияһы фәҡәт “Беҙҙең байрам” бейеүен тәҡдим иткән була. Һәм ошо әҫәр менән  3-15 йәшлек башҡарыусылар араһында иң яҡшылары булдылар - Гран-при яуланылар, 1 август Гала-концертта сығыш яһау хөрмәтенә лайыҡ булдылар. Етәкселәре – Фәнилә Ҡәбирова, Азат Буранбаев.

Шул уҡ конкурста ҡалабыҙҙың 7-се класс уҡыусыһы Айназ Аманов “Генерал Игзаков” бейеүен оҫта башҡарып, лауреат исемен яуланы. Етәксеһе – Азат Буранбаев.

Азат Афзал улы Буранбаев  “Иң яҡшы йыл етәксеһе” тип тә танылды. Ғорурланабыҙ, барыһын да ихлас күңелдән ҡотлайбыҙ!